Regionlarda maarifləndirici tədbirlər davam edir

“Yaşıl dünya naminə həmrəylik ili” çərçivəsində regionlarda yaşayan əhalinin ətraf mühitin mühafizəsi sahəsində məlumatlılığını və bu sahəyə olan məsuliyyətini artırmaq məqsədilə Regional Ekologiya və Təbii Sərvətlər İdarələrinin əməkdaşları tərəfindən mütəmadi olaraq maarifləndirici görüşlər keçirilir.

Növbəti görüşlər zamanı mütəxəssislər tərəfindən Sabirabad rayon Quruzma və Mürsəlli kənd tam orta məktəblərin, Salyan şəhəri 2 saylı tam orta məktəbin, Şirvan şəhər 18 nömrəli təbiət, humanitar təmayüllü məktəb-liseyin, Şirvan şəhər 9 saylı tam orta məktəbin, Bərdə rayonu Xəsili və Mehdili kənd tam orta məktəblərin şagirdləri ətraf mühitin mühafizəsi, təbii sərvətlərdən səmərəli istifadə, iqlim dəyişmələrinə qarşı görülən tədbirlər və s. sahələrdə ətraflı məlumatlandırılıb, müzakirə olunan mövzular ətrafında verilən suallar cavablandırılıb.