“Azərbaycanda ətraf mühitin sağlamlaşdırılmasında Ümummilli lider Heydər Əliyevin rolu” mövzusunda konfrans keçirilib

“Yaşıl dünya naminə həmrəylik ili” elan edilməsi ilə bağlı Tədbirlər Planı çərçivəsində Ekologiya və Təbii Sərvətlər, Elm və Təhsil nazirliklərinin və Azərbaycan Milli Elmlər Akademiyasının birgə təşkilatçılığı ilə “Azərbaycanda ətraf mühitin sağlamlaşdırılmasında Ümummilli lider Heydər Əliyevin rolu” mövzusunda elmi-praktiki konfrans keçirilib.

Tədbirdə Ekologiya və Təbii Sərvətlər, Elm və Təhsil nazirliklərinin və Azərbaycan Milli Elmlər Akademiyasının rəsmiləri, konfransa tezis təqdim etmiş alim və mütəxəssislər, müxtəlif təşkilatların nümayəndələri iştirak edib.

23-24 may tarixlərini əhatə edən tədbir çərçivəsində Ümummilli lider Heydər Əliyevin rəhbərliyi dövründə ölkəmizin ekoloji siyasətinin inkişafı, ekoloji təhsil və təbiətə qayğıkeş münasibətn formalaşmasında onun əvəzsiz xidmətləri ilə bağlı çıxışlar edilib, müxtəlif mövzular ətrafında plenar və simpoziumal məruzələr dinlənilib, ətraflı müzakirələr aparılıb.

Konfransın yekununda iştirakçıların Altıağac Milli Parkına ekskursiyası təşkil edilib.