Avropa parkları günü

Avropa Parkları Günü AVROPARK Federasiyası tərəfindən təsis edilib və Avropanın 36 ölkəsində mühafizə olunan təbiət ərazilərini birləşdirir. İlk dəfə 1999-cu ildə keçirilmiş bu gün hər il mayın 24-də bütün Avropada bayram edilir.

Hazırda Avropa Parkları Günü təbiət ərazilərinin mühafizəsi işində beynəlxalq həmrəyliyin rəmzinə çevrilmişdir. Həmin gün qoruq və ətraf ərazilərdə diqqəti Avropanın təbii gözəlliyinə və onun mədəni sərvətinə cəlb etmək üçün çoxsaylı tədbirlər keçirilir, milli parkların mühafizəsi ön plana çəkilir.

Bu il Avropa Parkları Günü “Təbiətə səs verin! Təbii irsimizə layiqli dəstək verin” devizi altında qeyd olunur.