Bu gün “Ümumdünya Köçəri Quşlar Günü”dür

Ümumdünya Köçəri Quşlar Günü quşların mühafizəsi kimi ümumi məqsəd ətrafında bütün səyləri birləşdirərək dünyanın müxtəlif ölkələrində yüzlərlə maarifləndirici tədbirlə qeyd olunur.

Bu il Ümumdünya Köçəri Quşlar Günü dünyada "Böcəkləri qoru, quşları qoru" devizi ilə qeyd olunaraq quşlar və həşəratlar arasındakı əlaqəyə diqqət yetirir. Builki deviz həşəratların əhəmiyyəti haqqında məlumatlılığı artırmaq, insanları bu sahədə maarifləndirmək üçün bir fürsət kimi dəyərləndirilir.

Qeyd edək ki, dünyanın bütün ekosistemlərində mövcud olan böcəklər köçəri quşlar üçün əsas qida mənbəyidir. Köçəri quşlar çox vaxt miqrasiyalarını həşəratların bolluğuna görə tənzimləyirlər. Belə ki, onlar miqrasiya zamanı balalarını qidalandırmaq üçün bu həşəratlardan bilavasitə asılıdırlar.