“Yanğın təhlükəsizliyi” mövzusunda praktiki təlimlər davam edir

Meşə yanğınlarının qarşısının alınması məqsədilə 7, 9, 10 və 11 saylı Regional Meşə Təsərrüfatı Mərkəzlərinin, 1 və 3 saylı Regional Ekologiya və Təbii Sərvətlər İdarəsinin, Göygöl Rayon İcra Hakimiyyətinin, FHN-in Regional Dövlət Yanğın Nəzarəti İdarəsinin, bələdiyyələrin, rayon polis şöbəsinin Gəncə Regional Yanğın Nəzarəti İdarəsinin, ictimaiyyət nümayəndələrinin və kənd sakinlərinin iştirakı ilə Qax, İmişli, Göygöl və Masallı rayonlarında “Yanğın təhlükəsizliyi” mövzusunda təlimlər keçirilib.

Təlimdə meşə və yaşıllıq ərazilərdə baş verə biləcək yanğın hadisələrinə qarşı profilaktik tədbirlərin səmərəliliyinin artırılması, yanğınların qarşısının vaxtında alınması sahəsində birgə əməkdaşlığın daha da genişləndirilməsinin əhəmiyyəti müzakirə edilib, yanğınların söndürülməsi metodları əyani olaraq göstərilib.