“Yaşıl dünya naminə həmrəylik ili” çərçivəsində tələbələr tullantıların düzgün idarə olunması sahəsində maariflənib

Azərbaycan Kooperasiya Universitetində Ekologiya və Təbii Sərvətlər Nazirliyinin mütəxəssisləri tərəfindən “Tullantıların idarə edilməsi: ətraf mühitə dost yanaşma” mövzusunda tələbələrlə maarifləndirici görüş keçirilib.

100-dən artıq tələbənin iştirak etdiyi görüşdə tullantıların düzgün idarə olunması, növlərinə uyğun təsnifatlaşdırılması, beynəlxalq təcrübə və ölkəmizdə bu sahədə görülmüş işlər barədə ətraflı məlumatlar verilib, gənclərin ətraf mühitin mühafizəsində aktiv iştirakının vacibliyi vurğulanıb.

İnteraktiv suallarla zəngin tədbirdə müasir ekoloji problemlərin yaratdığı fəsadlar, respublikamızda bu sahədə görülən işlər və hər bir vətəndaşın ətraf mühitin qorunmasındakı rolu barədə tələbələrlə ətraflı müzakirələr aparılıb, xüsusilə məişət tullantılarının ətraf mühitə mənfi təsirinin minimuma endirilməsi baxımından onların səmərəli idarə olunması ilə bağlı ölkəmizdə məqsədyönlü işlərin görüldüyü diqqətə çatdırılıb.