Regionlarda maarifləndirici görüşlər davam edir

“Yaşıl dünya naminə həmrəylik ili” çərçivəsində regionlarda yaşayan əhalinin ətraf mühitin mühafizəsi sahəsində məlumatlılığını və bu sahəyə olan məsuliyyətini artırmaq məqsədilə Regional Ekologiya və Təbii Sərvətlər İdarələrinin əməkdaşları tərəfindən mütəmadi olaraq maarifləndirici görüşlər keçirilir.

Növbəti görüşlər zamanı Bərdə, Ağdam, Ağcabədi, Beyləqan, Füzuli, Zəngilan, Cəbrayıl rayonlarının məktəblərində təhsil alan şagirdlər ətraf mühitin mühafizəsi, təbii sərvətlərdən səmərəli istifadə sahəsində ətraflı məlumatlandırılıblar.

Sözügedən tədbirlər zamanı şagirdlərə ekoloji biliklərə yiyələnməyin vacibliyi, təbii sərvətlərin idarə olunması, ətraf mühitin mühafizəsi, sudan səmərəli və qənaətlə istifadə olunması, tullantıların düzgün idarə edilməsi və s. kimi mövzularda məlumatlar verilib, müzakirə olunan mövzular ətrafında verilən suallar cavablandırılıb.