Zaqatala və Xaçmazda “Yer Günü” ilə əlaqədar maarifləndirici tədbirlər keçirilib

Regional Ekologiya və Təbii Sərvətlər İdarələrinin əməkdaşları tərəfindən Zaqatala rayon Qazangül qəsəbəsi İsmət Qayıbov adına tam orta məktəbdə və Akademik Zərifə Əliyeva adına Xaçmaz şəhər 8 saylı məktəb-liseydə “22 aprel – Yer günü” ilə əlaqədar maarifləndirici tədbirlər keçirilib.

Tədbirlər zamanı ətraf mühitin sağlamlaşdırılması, yaşıllıqların bərpası və artırılması, canlı aləmin qorunub saxlanılmasının zəruriliyi, tullantıların əmələ gəlmə prosesində ətraf mühitin qorunması barədə şagirdlərə ətraflı məlumatlar verilib.

Daha sonra “Yaşıl dünya naminə həmrəylik ili” ilə əlaqədar məktəblərin həyətyanı sahəsində müxtəlif növ ağac tingləri əkilib.