Naxçıvanda Yer Günü ağacəkmə aksiyası ilə qeyd edilib

Naxçıvan Muxtar Respublikasının Ekologiya və Təbii Sərvətlər Nazirliyinin təşkilatçılığı ilə Şahbuz rayonunun Biçənək meşəsində ağacəkmə aksiyası keçirilib.

Akademik Həsən Əliyev adına Zəngəzur Milli Parkının əməkdaşlarının və ekokönüllərin iştirakı ilə keçirilən aksiyada torpaq-iqlim şəraitinə uyğun ağaclar, eyni zamanda muxtar respublikada ilk dəfə sınaq məqsədilə Nazirliyin toxmacarlıq sahələrində yetişdirilən şabalıd tingləri əkilib.