“Təbiəti qorumaq mənim əlimdədir” şüarı ilə ağacəkmə aksiyası keçirilib

Ekologiya və Təbii Sərvətlər Nazirliyi və "Araz" supermarketlər şəbəkəsinin birgə təşkilatçılığı ilə "Yaşıl dünya naminə həmrəylik ili" çərçivəsində növbəti ağacəkmə aksiyası keçirilib. “Təbiəti qorumaq mənim əlimdədir” şüarı ilə keçirilən tədbirdə Nazirliyin və “Araz” supermarketlər şəbəkəsinin əməkdaşları, həmçinin ekokönüllülər iştirak ediblər.

Aksiya çərçivəsində Müşfiqabad qəsəbəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Aksiyanın məqsədi ekoloji vəziyyətin sağlamlaşdırılmasına, iqlim dəyişikliyi ilə mübarizəyə töhfə vermək, ictimaiyyətin diqqətini bu sahəyə cəlb etmək və iştirakçılığını artırmaqdır.