“22 aprel- Yer Günü” ilə əlaqədar Müşfiqabadda növbəti ağacəkmə aksiyası keçirilib

Ekologiya və Təbii Sərvətlər Nazirliyi və “PwC Azerbaijan” şirkətinin birgə təşkilatçılığı ilə keçirilən aksiyada şirkətin əməkdaşlarının, onların azyaşlı övladlarının və ekokönüllülərin iştirakı ilə Abşeron yarımadasının torpaq iqlim şəraitinə uyğun müxtəlif növ ağaclar əkilib.

Qeyd edək ki, “Yaşıl dünya naminə həmrəylik ili” çərçivəsində hər kəsin diqqətini ətraf mühit məsələlərinə yönəltmək və gənc nəslə planetimiz üçün məsuliyyət hissini öyrətmək məqsədilə ekoloji təqvim günləri xüsusi maarifləndirici tədbirlərlə qeyd olunur.