“Batareyaları təhvil ver, təbiəti qoru” layihəsi çərçivəsində 29 kq işlənmiş batareya təhvil alınıb

”Batareyaları təhvil ver, təbiəti qoru” layihəsi çərçivəsində “Yapı Kredi Bank Azərbaycan” və “Bravo” supermarketlər şəbəkəsinin 20 Yanvar filialından ümumilikdə 29 kq işlənmiş batareya toplanaraq “Tullantıları İdarəetmə Mərkəzi” MMC-yə təhvil verilib.

İstifadəyə yararsız elektrik batareyalarının çeşidlənməsi və xüsusi şəraitdə zərərsizləşdirilməsi məqsədilə Ekologiya və Təbii Sərvətlər Nazirliyi və Qırmızı Ürəklər Fondu tərəfindən 1 may 2022-ci il tarixində “Batareyaları təhvil ver, təbiəti qoru” layihəsinə start verilib. Layihə çərçivəsində 400-dən artıq məntəqədə təhvil qutuları yerləşdirilib.

Ətraf mühitə həssaslıqla yanaşaraq işlənmiş batareyaları təhvil verən bütün vətəndaşlara təşəkkür edirik.