Xəbərlər

Uşaqlar ağac əkərək təbiətə öz töhfələrini veriblər

06 Aprel 2024, 15:45

"Yaşıl dünya naminə həmrəylik ili” çərçivəsində valideyn himayəsindən məhrum olmuş uşaqlar üçün 1nömrəli tam orta internat məktəbinin həyətində ağacəkmə aksiyası keçirilib.

Dövlət Ekoloji Ekspertiza Agentliyi tərəfindən təşkil olunan tədbirdə müxtəlif cinsli ağaclar Agentliyin əməkdaşları ilə birlikdə məktəbin müəllim heyəti və şagirdləri tərəfindən əkilib.

Şagirdlərə ağacların düzgün əkilməsi və aqrotexniki qulluq qaydaları öyrədilib, yaşıllıqların mühafizəsinin önəmi barədə məlumatlar verilib.