Xüsusi mühafizə olunan təbiət ərazilərinə səfərlər təşkil edilib

Bioloji Müxtəlifliyin Qorunması Xidmətində təcrübə keçən Azərbaycan Dövlət İqtisad Univeritetinin tələbələri və müəllim heyətinin Hirkan Milli Parkına ekskursiyası təşkil edilib.

Tələbələrə milli park haqqında məlumatlar verilib, onlar “Dəmirağac” marşrutu ilə hərəkət edərək Hirkan tipli endemik və relikt bitki növləri ilə əyani tanış olub, Xanbulan gölünün füsunkar gözəlliklərini yaxından müşahidə edib, müxtəlif oyunlar oynayaraq asudə vaxtlarını əyləncəli şəkildə keçiriblər.

Eyni zamanda, Ağdaş rayonunun Ağcayazı kənd orta məktəbinin 11-ci sinif şagìrdləri isə Türyançay Dövlət Təbiət Qoruğunun mühafizə zonasında qoruğu müşahidə edib, onlara elmi işçilər tərəfindən qoruq haqqında geniş məlumatlar verilib.