“Batareyaları təhvil ver, təbiəti qoru” layihəsi çərçivəsində 44 kq işlənmiş batareya təhvil alınıb

”Batareyaları təhvil ver, təbiəti qoru” layihəsi çərçivəsində “Araz” supermarketlər şəbəkəsinin Sumqayıt filialından, “Rahat” supermarketlər şəbəkəsinin N.Nərimanov rayonu filialından, “Bravo” supermarketlər şəbəkəsinin Sumqayıt filialından və The Ritz Carlton oteldən ümumilikdə 44 kq işlənmiş batareya toplanaraq "Təhlükəli Tullantılar" MMC-yə təhvil verilib.

İstifadəyə yararsız elektrik batareyalarının çeşidlənməsi və xüsusi şəraitdə zərərsizləşdirilməsi məqsədilə ölkə ərazisində artıq 400-ə yaxın məntəqədə təhvil qutuları yerləşdirilib.

İşlənmiş batareyaları təhvil verən bütün vətəndaşlara ətraf mühitə həssaslıqla yanaşdıqları üçün təşəkkür edirik.