23 mart - Yer Saatı

2007-ci ildən etibarən hər il “Yer Saatı” beynəlxalq kampaniyası çərçivəsində dünyanın müxtəlif bölgələrində ətraf mühit üçün müsbət tədbirlər görməyi təşviq etmək, planetə simvolik dəstək göstərmək və ona təsir edən ekoloji problemlər haqqında məlumatlılığı artırmaq üçün işıqları söndürürlər. Bu, Ümumdünya Vəhşi Təbiət Fondunun (WWF) hər il keçirdiyi beynəlxalq tədbirdir.

“Yer Saatı” təbiətə qayğıkeş münasibətin, planetimizin məhdud resurslarına qayğının rəmzidir.

Hər il mart ayının son şənbə günü (bu il martın 23-də) saat 20:30-da milyonlarla insan iqlim dəyişikliyi probleminə diqqəti artırmaq üçün bu aksiyada iştirak edir. Bu gün 20:30-21:30 aralığında bir saatlığa işığı və həmin vaxt vacib olmayan digər elektrik cihazlarını söndürməklə kampaniyaya dəstək ola bilərsiniz.