Milli Hidrometeorologiya Xidmətində İdrak liseyinin şagirdləri ilə maarifləndirici görüş keçirilib.

Şagirdlər hidrometeorologiya muzeyində bu sahənin tarixi ilə tanış olub, Situasiya mərkəzini ziyarət ediblər. Onlara Xidmətin mütəxəssisləri tərəfindən mərkəzin fəaliyyəti, erkən xəbərdarlıq sisteminin funksiya və tərkib elementləri, müasir hidrometeoroloji cihazlar, radar sistemi, ölkənin hidrometeoroloji şəbəkəsi və qlobal iqlim dəyişmələrinin neqativ təsirləri haqqında ətraflı məlumatlar verilib.

Görüş şagirdlər tərəfindən böyük maraqla qarşılanıb və sual-cavab sessiyası ilə yekunlaşıb.