"Fotoqrafların qış turu" layihəsi çərçivəsində növbəti səfər Zaqatala Dövlət Təbiət Qoruğuna təşkil olunub

Bioloji Müxtəlifliyin Qorunması Xidmətinin təşkilatçılığı, Azərbaycan Fotoqraflar Birliyinin dəstəyi ilə təşkil olunan "Fotoqrafların qış turu" layihəsi çərçivəsində fotoqraflar 24-25 fevral tarixlərində Zaqatala Dövlət Təbiət Qoruğuna səfər edib.

Səfər çərçivəsində fotoqraflar qoruğun flora və fauna aləmini, ecazkar təbiət görüntülərini əks etdirən foto və videoları lentə alıblar.

Xatırladaq ki, Ümumdünya Milli Parklar və Qoruqlar günü ilə əlaqədar start verilən layihə çərçivəsində bugünədək Abşeron, Ağgöl, Altıağac və Qızılağac milli parklarında, Zaqatala Dövlət Təbiət Qoruğunda çəkilişlər həyata keçirilib.

Qeyd edək ki, fotoqrafların səfərləri digər milli parklar və qoruqlarda da davam edəcək.