Regionlarda ətraf mühit sahəsində maarifləndirici görüşlər davam edir

Regional Ekologiya və Təbii Sərvətlər İdarələrinin əməkdaşları tərəfindən regionlarda yaşayan əhalinin ətraf mühitin mühafizəsi sahəsində məlumatlılığını artırmaq, bu sahəyə məsuliyyət hissini aşılamaq məqsədilə mütəmadi olaraq maarifləndirici görüşlər təşkil olunur.

Növbəti görüşlər çərçivəsində Lənkəran Dövlət Universitetinin tələbələrinə ətraf mühitin mühafizəsi və ekoloji tarazlıq, Mingəçevir Dövlət Universitetinin tələbələrinə isə sudan səmərəli və qənaətlə istifadə edilməsi ilə bağlı məlumatlar verilib, mövzular ətrafında verilən suallar cavablandırılıb.