Dünya Ekoloji Təhsil Günü ilə əlaqədar Xaçmaz rayonunda şagirdlər tullantılardan hazırladıqları əl işlərini nümayiş etdiriblər.

Xaçmaz şəhər C.Cabbarlı adına 6 nömrəli tam orta məktəbin Peşə təmayüllü sinif şagirdləri tullantılardan müxtəlif əl işləri hazırlayaraq oxuduqları məktəbdə “Tullantıdan sənətə” adlı sərgi keçiriblər.

Uşaqlar bu sərgi vasitəsilə ətraf mühitin təmiz saxlanılmasında təkrar emalın rolunu vurğulayıb, digər məktəbli yoldaşlarına lazımsız sayılan əşyaları düşünmədən zibil qutularına atmaq vərdişlərindən çəkinməyə təşviq ediblər.