Zəngin təbii landşafta, unikal ekosistemə malik olan milli parklarımız bayram günlərində ziyarətçiləri müxtəlif tədbirlərlə qarşılayıb.

Ziyarətçilər Şahdağ və Abşeron Milli Parklarında quşları müşahidə, Göygöl Milli Parkının müxtəlif ekoturizm marşurtları boyunca gəzintilər, meşə və dəniz ekosisteminin qovuşduğu Samur-Yalama Milli Parkında isə açıq səma altında müxtəlif idman məşqləri ediblər.

Ölkəmizin hər fəsildə füsunkar təbiəti ilə turistləri valeh edən, landşaftına, ekosisteminə görə bir-birindən fərqli təbiət abidələri sayılan milli parkları bu bayram günlərində hər kəsin yolunu gözləyir.