Aksiyalarda iştirak edən vətəndaşlara ekoçanta və ağac tingləri paylanılıb

“Tullantıları tingə dəyiş” və “Tullantıları ekoçantaya dəyiş” aksiyaları çərçivəsində il ərzində vətəndaşlardan ümumi tutumu 3591 litr şüşə, 15 268 litr plastik və 4019 ədəd işlənmiş batareya təhvil alınaraq təkrar emal və zərərsizləşdirmə məqsədilə aidiyyəti üzrə göndərilib.

Qeyd edək ki, ağac əkilməsinin təşviqinə, yaşıllıqların sayının artırılmasına töhfə vermək, eyni zamanda tullantıların sayının azaldılması və təkrar emala yönəldilməsi məqsədilə təşkil olunan aksiyalarda fəal iştirak edən vətəndaşlara 850 ekoçanta və Nazirliyin tinglik sahələrində yetişdirilən 2800 ağac tingi paylanılıb.

İl boyu aksiyalara dəstək olan bütün vətəndaşlara və tərəfdaşlara təşəkkür edirik!