Xəbərlər

"Hövzələri sintetik torlardan birlikdə təmizləyək" aksiyası çərçivəsində 2023-cü il ərzində su hövzələrindən 42 522 metr sintetik tor yığışdırılıb

29 Dekabr 2023, 13:45

Bu gün dünyada suyun insan həyatı üçün əhəmiyyəti, su ehtiyatlarından səmərəli istifadə məsələləri nə qədər aktualdırsa, su ekosisteminin dayanıqlılığı, onun mühafizəsi də o qədər zəruridir. Deməli, ölkəmizin su hövzələrini mənfi təsirlərdən qorumaq, vətəndaşların onlardan davamlı istifadəsini təmin etmək hər birimizdən asılıdır.

Cəmiyyətimizdə bu işi təbliğ və təşviq etmək üçün bu il Ekologiya və Təbii Sərvətlər Nazirliyi tərəfindən “Təmiz hövzələr” devizi altında "Hövzələri sintetik torlardan birlikdə təmizləyək" adlı aksiya keçirilib.

İl ərzində keçirilən mütəmadi nəzərət tədbirləri ilə yanaşı, vətəndaşlar tərəfindən də daxil olan məlumatlar sayəsində ölkənin su hövzələrinə, onun ekosisteminə və bioresurslarına zərər vuranlara qarşı ardıcıl tədbirlər görülüb.