Xəbərlər

Cəlilabad rayonunda ağacəkmə aksiyası keçirilib

02 Dekabr 2023, 17:40

Ulu Öndər Heydər Əliyevin 100 illik yubileyi ilə əlaqədar növbəti ağacəkmə tədbiri Ekologiya və Təbii Sərvətlər Nazirliyinin və Cəlilabad Rayon İcra Hakimiyyətinin rəsmilərinin və əməkdaşlarının, hüquq-mühafizə orqanlarının və ictimaiyyət nümayəndələrinin iştirakı ilə keçirilib.

Yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin 100 illik yubileyi ilə əlaqədar Cəlilabad-Yardımlı avtomobil yolunun 3 km-lik hissəsində ağaclar əkilib və onlara qulluq gösərilib.

Ağacəkmə tədbirlərinin keçirilməsində məqsəd Ulu Öndər Heydər Əliyevin əziz xatirəsini yad etmək, Ümummilli Liderin təbiətə, yaşıllıqlara qayğı ənənələrini davam etdirməkdir.