Səudiyyə Ərəbistanının Azərbaycandakı səfiri ilə görüş keçirilib

Səudiyyə Ərəbistanı Krallığının ölkəmizdə yeni təyin olunmuş fövqəladə və səlahiyyətli səfiri İssam bin Saleh əl-Cuteyli ilə ekologiya və təbii sərvətlər naziri Muxtar Babayev arasında görüş keçirilib.

Görüş zamanı Azərbaycan və Səudiyyə Ərəbistanı Krallığı arasında ətraf mühitin mühafizəsi sahəsində gələcək əməkdaşlığın perspektivləri müzakirə olunub və qarşılıqlı maraq doğuran məsələlər ətrafında fikir mübadiləsi aparılıb.