“Hövzələri sintetik torlardan birlikdə təmizləyək” aksiyası çərçivəsində torların yığışdırılması davam edir.

Aksiya çərçivəsində keçirilən nəzarət tədbirləri zamanı Xəzər dənizinin Sumqayıt şəhəri akvatoriyasından və Astara rayonunun Kakalos, Şiyəkəran kəndləri ərazisindən keçən hissəsindən 390 metr uzunluğunda 10 ədəd sintetik tor yığışdırılıb.

Vətəndaşlarımızı “Hövzələri sintetik torlardan birlikdə təmizləyək" aksiyasında daha fəal iştirak etməyə, su hövzələrində rast gəldikləri sintetik torlar barədə Nazirliyin rəsmi sosial şəbəkə hesablarının mesaj qutusuna, 168 Çağrı mərkəzinə və info@eco.gov.az elektron poçt ünvanına dəqiq koordinatları göstərməklə məlumat verməyə və balıq ehtiyatlarının mühafizəsinə dəstək olmağa çağırırıq.