"Təmiz ölkəm" aksiyası çərçivəsində təmizlik aksiyaları davam edir

"Təmiz ölkəm" aksiyası çərçivəsində bu gün Astara rayonunun Təngərüd, Qazax rayonunun Avey, Kürdəmir rayonunun Sığırlı, Xızı rayonunun Qarabulaq, Qusar rayonunun Hil, İsmayıllı rayonunun Talıstan, Qax rayonunun Qıpçaq, Beyləqan rayonunun 5 saylı, Göygöl rayonunun Hacıkənd, Zaqatala rayonunun Danaçı, Masallı rayonunun Masallı, Ağdaş rayonunun Ağzıbir, Gədəbəy rayonunun Qalakənd və Qəbələ rayonunun Yenikənd meşəbəyliklərində təmizlik aksiyaları keçirilib.

Ekologiya və Təbii Sərvətlər, həmçinin Gənclər və İdman nazirliklərinin yerli qurumlarının, Rayon İcra Hakimiyyəti orqanlarının, bələdiyyələrin, Mənzil-Kommunal Təsərrüfatı və İstehsalat Birliyinin yerli qurumlarının əməkdaşlarının və rayon sakinlərinin iştirakı ilə keçirilən aksiyalar zamanı ümumilikdə 2 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətini dərk etməyə, təbiətimizə qayğıyla yanaşmağa və onu təmiz saxlamağa dəvət edirik.