"Təmiz ölkəm" aksiyası çərçivəsində növbəti iməciliklər keçirilib

2 sentyabr Lənkəran rayonunun Haftoni, Tovuz rayonunun Yanıqlı, Saatlı rayonunun Saatlı, Siyəzən rayonunun Siyəzən, Quba rayonunun Quba, İsmayıllı rayonunun Qalınçaq, Göygöl rayonunun Hacıkənd, Zaqatala rayonunun Car, İmişli rayonunun 6 saylı, Masallı rayonunun Masallı, Ağdam rayonunun Soltanbud-01, Daşkəsən rayonunun Əmirvar və Qəbələ rayonunun Zarağan meşəbəyliklərində təmizlik aksiyaları keçirilib.

Nazirliyin yerli qurumlarının, Rayon İcra Hakimiyyəti orqanlarının, Mənzil-Kommunal Təsərrüfatı və İstehsalat Birliyinin yerli qurumlarının əməkdaşlarının və rayon sakinlərinin iştirakı ilə keçirilən aksiyalar zamanı ümumilikdə 2.2 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətlərini dərk etməyə, təbiətimizə qayğıyla yanaşmağa və onu təmiz saxlamağa dəvət edirik.