Qanunsuz ova cəhd edən şəxslər cəzalandırılıb

Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Şabran rayonunun Künçal və Xaçmaz rayonunun Xəzərli kəndləri ərazilərində qanunsuz ova cəhd edən şəxslər saxlanılıb.

Xidmət rəsmisi Bəhruz Məhəmmədov bildirib ki, araşdırma zamanı ova cəhd edən şəxslərin Şabran rayon sakini Emin Poladov və Xaçmaz rayon sakini Əlhəm Xəlilov olduğu müəyyən edilib.

“Faktlarla bağlı qanun pozucuları barəsində akt, protokol tərtib olunub və qanunamüvafiq tədbir görülüb”.