Altıağac Milli Parkının yaranma günü ilə əlaqədar milli parkda tədbir keçirilib

Mikayıl Müşfiqin Xızı rayonunun Sayadlar kəndindəki ev-muzeyinin əməkdaşlarının, yerli turizm, mədəniyyət idarələrinin nümayəndələrinin, Xızı rayon Xələnc kənd ümumi orta məktəbinin müəllim və şagirdlərinin, ekokönüllülərin və yerli sakinlərin iştirak etdiyi tədbirdə rayonda fəaliyyət göstərən müxtəlif yaş təbəqələrini əhətə edən dərnəklərin əl işləri və regiona məxsus müxtəlif incəsənət nümunələri, saxsı qablardan ibarət guşə nümayiş olunub.

Eyni zamanda, tədbir iştirakçıları və milli parkı ziyərət edən turistlər mütəxəssislər tərəfindən milli parkın yaradılması, tarixi, ərazinin bitki və heyvanat aləmi barədə məlumatlandırılıb, onların asudə vaxtlarının səmərəli keçirilməsinə şərait yaradılıb.

Qeyd edək ki, Altıağac Milli Parkı ətraf mühitin mühafizəsi, bioloji müxtəlifliyin saxlanılması və ekoturizmin inkişaf etdirilməsi məqsədilə Azərbaycan Respublikası Prezidentinin 2004-cü il 31 avqust tarixli Sərəncamı ilə yaradılıb.