Meşə ərazilərində keçirilən təmizlik aksiyaları bu həftə də davam edib

26 avqust tarixində Ağcabədi rayonunun 4 saylı, Ağstafa rayonunun Poylu, Şirvan rayonunun Şirvan, Quba rayonunun Quba, Goranboy rayonunun Yeni Ağcakənd, Zaqatala rayonunun Tala, Şəki rayonunun Layısqı, Cəlilabad rayonunun Göytəpə və Yevlax rayonunun Varvara meşəbəyliklərində təmizlik aksiyaları keçirilib.

Nazirliyin yerli qurumlarının, Rayon İcra Hakimiyyəti, yerli özünüidarəetmə orqanlarının əməkdaşlarının, tərəfdaş qurumların, ASAN könüllülərin və rayon sakinlərinin iştirakı ilə keçirilən aksiyalar zamanı ümumilikdə 2.3 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətlərini dərk etməyə, tullantıları düzgün idarə etmə vərdişinə yiyələnməyə, təbiətimizə qayğıyla yanaşmağa və onu təmiz saxlamağa dəvət edirik.