"Təmiz ölkəm" aksiyası çərçivəsində təmizlik aksiyaları davam edir

12 avqust tarixində Astara rayonunun Təngərüd, Tovuz rayonunun Cırdaxan, Şabran rayonunun Dənizkənarı, İsmayıllı rayonunun Talıstan, Şəki rayonunun Göynük, Zaqatala rayonunun Əliabad, Cəlilabad rayonunun Göytəpə, Ağdaş rayonunun Ağzıbir, Samux rayonunun Samux, Oğuz rayonunun Oğuz, Sabirabad rayonunun Sabirabad, Xaçmaz rayonunun Xaçmaz, Beyləqan rayonunun 5 saylı, Goranboy rayonunun Goranboy meşə ərazilərində təmizlik aksiyaları keçirilib.

Nazirliyin regional bölmələrinin, yerli icra hakimiyyəti orqanlarının əməkdaşlarının və rayon sakinlərinin iştirakı ilə keçirilən aksiyalar zamanı ümumilikdə 2 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətini dərk etməyə, təbiətimizə qayğıyla yanaşmağa və onu təmiz saxlamağa dəvət edirik.

Gəlin gələcək nəsillərə sağlam həyat, təmiz ətraf mühit bəxş edək!