"Təmiz ölkəm" aksiyası çərçivəsində təmizlik aksiyaları davam edir

29 iyul tarixində Lerik rayonunun Vizəzəmin meşəbəyliyində, Şabran rayonunun Dənizkənarı meşəbəyliyində, İsmayıllı rayonunun Qalınçaq meşəbəyliyində, Ağcabədi rayonunun 5 saylı meşəbəyliyində, Zaqatala rayonunun Muğanlı meşəbəyliyində, Goranboy rayonunun Yeni Ağcakənd meşəbəyliyində, Gədəbəy rayonunun Qalakənd meşəbəyliyində və Qəbələ rayonun Yenikənd meşəbəyliyində təmizlik aksiyaları keçirilib.

Nazirliyin regional bölmələrinin, Rayon İcra Hakimiyyəti orqanlarının əməkdaşlarının, sakinlərin iştirakı ilə keçirilən aksiyalar zamanı ümumilikdə 2.5 tondan artıq müxtəlif növ tullantı yığılaraq ərazilərdən daşınıb.

Hər kəsi vətəndaş olaraq öz məsuliyyətlərini dərk etməyə, təbiətimizə qayğıyla yanaşmağa və onu təmiz saxlamağa dəvət edirik.

Gəlin gələcək nəsillərə sağlam həyat, təmiz ətraf mühit bəxş edək!