“Xəzər həftəsi” ilə əlaqədar Sumqayıt şəhəri 9 saylı tam orta məktəbdə tədbir keçirilib

“Xəzər həftəsi” ərəfəsində Ekologiya və Təbii Sərvətlər Nazirliyi Xəzər dənizinin mühafizəsi sahəsində ictimaiyyət arasında təbliğat işlərini davam etdirərək növbəti maarifləndirmə tədbiri keçirib.
Belə ki, 24 sentyabr 2014-cü il tarixində Sumqayıt şəhərinin 9 saylı tam orta məktəbində ETSN-in mütəxəssisləri məktəblilərlə görüşüb.
Nazirliyin əməkdaşları məktəblilərin diqqətini ətraf mühitin mühafizəsinə, o cümlədən Xəzərin mühafizəsinə yönəldərək, “Beynəlxalq Dəniz günü”nün məqsədi, bu istiqamətdə Ekologiya və Təbii Sərvətlər Nazirliyi tərəfindən görülən işlər, həyata keçirilən layihələr barədə onları məlumatlandırıblar.
Eyni zamanda, tədbirin gedişatında aparılan qarşılıqlı sual-cavab nəticəsində məktəblilərin ətraf mühitin mühafizəsi və ekoloji problemlərin həlli sahəsində təklifləri dinlənilib.
Ekologiya və Təbii Sərvətlər Nazirliyi tərəfindən “Xəzər həftəsi” ilə əlaqədar hazırlanmış tədbirlər planına uyğun olaraq ekoloji maarifləndirmə xarakterli tədbirlər davam etdirilir.