Xəbərlər

"Təbiət sənin gözündə” adlı yeni foto müsabiqəyə start verilir

02 Mart 2023, 20:30

Ekologiya və Təbii Sərvətlər Nazirliyi tərəfindən 02 mart 2023-cü il tarixindən etibarən yeni foto müsabiqələrə start verilir. Belə ki, hər müsabiqə bir mövzuya həsr olunacaq, ən yaradıcı və daha çox diqqətçəkən fotolar səsverməyə qoyulacaq.

İlk müsabiqə 22 mart - Dünya Su Günü ilə əlaqədar “Su mənbələri sənin gözündə” mövzusuna həsr olunub.

Müsabiqədə iştirak üçün şərtlər aşağıdakı kimidir:

Müsabiqədə iştirak üçün fotoların qəbulu: 02 mart – 19 mart 2023-cü il
Müsabiqədə fotoların səsvermə müddəti: 19 mart - 22 mart 2023-cü il
Müsabiqədə iştirak edəcək fotoların təsviri: dəniz, buzlaq, çay, göl, şəlalə və su hövzələri ilə bağlı digər fotolar;
Fotolar Azərbaycan təbiətinə məxsus olmalı, çəkilən ərazinin adı email-də qeyd olunmalıdır;
Müsabiqədə hər bir iştirakçı yalnız bir fotoşəkillə iştirak edə bilər;
Müsabiqəyə təqdim olunan fotolar müəllif tərəfindən şəxsən lentə alınmalı, orijinal olmalıdır;
Fotoşəklin plagiat olduğu müəyyən olunduğu təqdirdə iştirakçı müsabiqədən kənarlaşdırılacaq;
Müsabiqəyə təqdim olunan işlər çərçivəsiz, üst yazıları (ad, simvol, logo) olmadan, kollaj və dizayn manipulyasiyalarından istifadə olunmadan qəbul olunur;
Fotoşəkillər aydın, keyfiyyətli formatda çəkilməlidir.

Şəkillər public@eco.gov.az elektron ünvanına göndərilməlidir. Fotoları göndərərkən e-maildə iştirakçının ad-soyadının, əlaqə nömrəsinin qeyd edilməsi mütləqdir.

Müsabiqənin qiymətləndirilməsi və mükafatlandırılması:

Səsvermədə qalib olan ilk 3 yerin sahibi aşağıdakı kimi mükafatlandırılacaq:

I yer - 500 AZN

II yer - 300 AZN

III yer - 200 AZN

Müsabiqə ilə bağlı suallarınızı qeyd olunan email ünvanına yaza bilərsiniz:

E-mail: public@eco.gov.az

Sən yox, şəkillərin danışsın!