Xəbərlər

Əkin mövsümü başlayandan bugünədək meşə fondu torpaqlarında 800 mindən artıq ağac əkilib

16 Dekabr 2022, 16:50

Payız əkin mövsümü başlayandan bugünədək respublikanın bütün rayonlarının meşə fondu torpaqlarında meşəbərpa tədbirləri həyata keçirilib, ümumilikdə 800 000-dən artıq ağac tingi əkilib, 50 tondan çox toxum səpilib.

Meşələrin İnkişafı Xidmətinin rəsmisi Vahid Fərzəliyev bildirib ki, gün ərzində Sabirabad, Şamaxı, Bərdə rayonlarının meşə fondu ərazilərində ümumilikdə 18 mindən artıq ağac tingi əkilib.

"Ölkə üzrə meşəbərpa tədbirləri davam edir, hər bölgənin iqlim şəraitinə uyğun Regional Meşə Təsərrüfatı Mərkəzlərinin tinglik sahələrində yetişdirilən müxtəlif növ ağac tingləri əkilir, toxumlar səpilir”.