Xəbərlər

Meşəbərpa tədbirləri davam edir

15 Dekabr 2022, 17:00

Payız ağac əkini mövsümü çərçivəsində meşəbərpa tədbirləri bu gün Şamaxı, Bərdə və Sabirabad rayonlarının açıq və seyrək meşə fondu torpaqlarında həyata keçirilib.

Meşələrin İnkişafı Xidmətinin rəsmisi Cabbar Qəribov bildirib ki, Regional Meşə Təsərrüfatı Mərkəzlərinin əməkdaşları tərəfindən gün ərzində sözügedən rayonların meşə ərazilərində ümumilikdə 20 000-dən artıq müxtəlif növ ağac əkilib.

“Meşəbərpa tədbirləri respublikanın bütün rayonlarını əhatə edir və əkilən ağaclar Regional Meşə Təsərrüfatı Mərkəzlərinin tinglik sahələrində yetişdirilir”.