Yanğın hadisəsi baş verib

07 iyul 2014-cü il tarixində saat 17 radələrində Ekologiya və Təbii Sərvətlər Nazirliyinin Türyançay Dövlət Təbiət Qoruğunun yüksək dağlıq ərazisində yanğın hadisəsi baş verib. Yanğının qarşısının alınması üçün dərhal ETSN-nin yerli qurumlarının, Ağdaş və Qəbələ FHN-nin Yanğından Mühafizə
İdarəsinin əməkdaşları əraziyə cəlb olunub. Yanğın qısa zamanda lokallaşdırılaraq saat 20 radələrində tam olaraq söndürülüb. Qeyd edək ki, Qoruğun yanğın baş verən ərazisində meşə sahəsi yoxdur.
İlkin ehtimala görə yanğın ildırım vurması nəticəsində baş verib. Yanğın yüksək dağlıq ərazidə baş verdiyindən Qoruğun 2 hektar ərazisindəki quru ot və kol örtüyünə ziyan dəyib. Hazırda yanğın hadisəsi ilə bağlı araşdırma aparılır.