“Yay mövsümündə meşələrdə yanğın təhlükəsizliyi” mövzusunda növbəti maarifləndirici tədbir keçirilib

Meşə, əkin və biçilmiş taxıl sahələrində yanğınlara qarşı qabaqlayıcı tədbirlərin aparılmasının səmərəliliyini daha da artırmaq, eləcə də qarşılıqlı fəaliyyəti təşkil etmək məqsədilə 4 iyul tarixində Göygöl Regional Meşə Təsərrüfatı Mərkəzi və Fövqəladə Hallar Nazirliyinin Regional Mərkəzinin əməkdaşlarının iştirakı ilə yanğından mühafizə mövzusunda növbəti tədbir keçirilib.

Tədbirdə təbiət əraziləri, meşə və yaşıllıq ərazilərində baş verə biləcək yanğın hadisələrinə qarşı qabaqlayıcı profilaktik tədbirlərin aparılmasında səmərəliliyin artırılması, yanğınların qarşısının vaxtında alınması sahəsində birgə əməkdaşlığın daha da genişləndirilməsinin əhəmiyyətindən danışılıb.

Daha sonra mövzu ətrafında fikir mübadiləsi aparılıb, tədbir iştirakçılarını maraqlandıran suallar cavablandırılıb.