Azərbaycanda fəaliyyət göstərən diplomatik nümayəndəliklər Şahdağ Milli Parkında olublar

Azərbaycanda fəaliyyət göstərən diplomatik nümayəndəliklər ölkənin turizm bölgələri ilə tanışlıq məqsədilə 20 may 2014-cü il tarixində Şahdağ Milli Parkında olmuşlar. Qonaqlar səfər çərçivəsində Şahdağ Milli Parkının Şabran rayonunda yerləşən inzibati binası və Ekoturizm Mərkəzi ilə tanış olmuş,
ərazidə quraşdırılmış onlayn kameralar vasitəsilə ucqar dağ massivlərinin füsunkar təbiətini canlı olaraq müşahidə etmişlər. Diplomatik korpusun nümayəndələrinə Şahdağ Milli Parkının fəaliyyəti barədə ətraflı məlumat verilmişdir.
Azərbaycanda fəaliyyət göstərən səfirlər və səfirliklərin nümayəndələrindən ibarət 75 nəfərlik qrup daha sonra milli parkın Quba və Qusar rayonlarını əhatə edən xidməti ərazilərini gəzmiş, bölgənin gözəl təbiətindən və həmçinin onlara göstərilən xidmətdən məmnun qaldıqlarını bildirmişlər.