“Plastik butulkanın Yeni il macəraları” adlı tədbir keçirilib

30 dekabr 2019-cu il tarixində Park Bulvarda uşaqlar üçün “Plastik butulkanın Yeni il macəraları” adlı tədbir keçirilib. Tədbirin keçirilməsində məqsəd balaca dostlarımızı plastik tullantıların ətraf mühitə göstərdiyi təsir və təkrar emal haqqında məlumatlandırmaqdır. Tədbir zamanı uşaqlar həmçinin "Ağacların sirri" adlı film izləyib, ekoloji çantaların dizaynı üzrə master klass və müxtəlif viktorinalarda iştirak imkanı əldə ediblər. Tədbir Ekologiya və Təbii Sərvətlər Nazirliyi, "EkoSfera" Sosial-Ekoloji Mərkəzi, Park Bulvar, Tusi-Bohm Planetarium və Təhsil Nazirliyi Respublika Uşaq-Gənclər İnkişaf Mərkəzinin birgə əməkdaşlığı ilə keçirilib.