Ümumi məlumat

20 fevral 1979-cu il təvəllüdlüdür. Azərbaycan Dövlət Neft Akademiyasının geoloji-kəşfiyyat fakultəsini bitirib. 2000-ci ildə Geologiya və Mineral Ehtiyatlar üzrə Dövlət Komitəsinin Yeraltı suların kadastrı İdarəsində hidrogeoloq vəzifəsi ilə işə başlamışdır. 2002-ci ildən Ekologiya və Təbii Sərvətlər Nazirliyinin Ekoloji siyasət və ətraf mühitin mühafizəsi İdarəsində, 2004-cü ildən Ekologiya və təbiəti mühafizə siyasəti şöbəsində, 2015-ci ildən Xidmət sahələrinin təşkili və risklərin qiymətləndirilməsi şöbəsində, 2017-ci ildən Ətraf mühitin mühafizəsi və təbii sərvətlərin tənzimlənməsi şöbəsində çalışıb. 2019-cu ildən Su ehtiyatlarının idarə edilməsi şöbəsində sektor müdiri və müdir əvəzi vəzifələrində çalışıb. 2023-cü ildən Ekoloji təhlükəsizlik fəaliyyətinin təhlili və qiymətləndirilməsi şöbəsinin müdiri vəzifəsində işləyir.

23 may 2023-cü ildə Azərbaycan Respublikası Prezidentinin Sərəncamı ilə Azərbaycanda ətraf mühitin və təbii sərvətlərin qorunmasında xidməti üçün “Tərəqqi” medalı ilə təltif olunmuşdur.

Ailəlidir, 2 övladı var.