Elanlar

Ov mövsümü açıq elan edilib

19 Dekabr 2025

Azərbaycan Respublikası Ekologiya və Təbii Sərvətlər Nazirliyinin Bioloji Müxtəlifliyin Qorunması Xidməti bildirir ki, Azərbaycan Respublikası ərazisində 2025-2026-ci illərin ov mövsümü 2025-ci il 20 dekabr tarixindən etibarən açıq elan edilmişdir.

Azərbaycan Respublikası ərazisində 2025-2026-ci illərin ov mövsümünün başlanması ilə bağlı vəhşi quşların və heyvanların ovlanması müddətləri və normaları, ov icazələrinin bölgü cədvəlləri hazırlanmışdır.

Respublika ərazisində 2025-2026-ci illərin ov mövsümündə vəhşi quşların və heyvanların ovlanmasının müddətləri və normaları aşağıdakı kimi təyin edilmişdir:

Ov obyekti olan vəhşi heyvan və quş

növü

Ovlanma müddəti

Adambaşına 1 dəfəlik norma

Dovşan

20 dekabr 2025-ci il –

11 yanvar 2026-cı il

2 baş

Qaz (ağqaş və qırmızı döş qaz istisna olmaqla)

20 dekabr 2025-ci il –

01 fevral 2026-cı il

1 ədəd

Ördək (ağgöz dalğıc, göydimdik, qılquyruq, qırmızıbaş dalğıc, uzunquyruq ördək və mərmər cürə istisna

olmaqla)

20 dekabr 2025-ci il –

01 fevral 2026-cı il

3 ədəd

Qaşqaldaq

20 dekabr 2025-ci il –

01 fevral 2026-cı il

3 ədəd

Bununla əlaqədar, vətəndaşları maraqlandıran əlavə məlumatların alınması və ov icazələrinin əldə edilməsi üçün aidiyyatı üzrə regional ekologiya və təbii sərvətlər idarələrinə müraciət oluna bilər.