Elanlar

Ov mövsümü açıq elan edilib

10 Oktyabr 2025

Azərbaycan Respublikası Ekologiya və Təbii Sərvətlər Nazirliyinin Bioloji Müxtəlifliyin Qorunması Xidməti bildirir ki, Azərbaycan Respublikası ərazisində 2025-ci ilin ov mövsümü 2025-ci il 10 oktyabr tarixindən etibarən açıq elan edilmişdir.

Azərbaycan Respublikası ərazisində 2025-ci ilin ov mövsümünün başlanması ilə bağlı vəhşi quşların və heyvanların ovlanması müddətləri və normaları, ov icazələrinin bölgü cədvəlləri hazırlanmışdır.

Respublika ərazisində 2025-ci ilin ov mövsümündə vəhşi quşların və heyvanların ovlanmasının müddətləri və normaları aşağıdakı kimi təyin edilmişdir:

Ov obyekti olan vəhşi heyvan və quş növü	Ovlanma müddəti	Adambaşına 1 dəfəlik norma
Qaban (Çöl donuzu)	10 oktyabr 2025-ci il – 01 dekabr 2025-ci il	1 baş (3 nəfərdən az olmayan qrup ovçulara)
Dovşan	07 noyabr 2025-ci il – 01 dekabr 2025-ci il	2 baş
Bataqlıq qunduzu (nutriya)	10 oktyabr 2025-ci il – 01 dekabr 2025-ci il	Nutriya təsərrüfatları olan təşkilatlar
Qaz (ağqaş və qırmızı döş qaz istisna olmaqla)	10 oktyabr 2025-ci il – 01 dekabr 2025-ci il	1 ədəd
Ördək (ağgöz dalğıc, göydimdik, qılquyruq, qırmızıbaş dalğıc, uzunquyruq ördək və mərmər cürə istisna olmaqla)	10 oktyabr 2025-ci il – 01 dekabr 2025-ci il	3 ədəd
Qaşqaldaq	10 oktyabr 2025-ci il – 01 dekabr 2025-ci il	3 ədəd

Bununla əlaqədar, vətəndaşları maraqlandıran əlavə məlumatların alınması və ov icazələrinin əldə edilməsi üçün aidiyyatı üzrə regional ekologiya və təbii sərvətlər idarələrinə müraciət oluna bilər.