Xəbərlər

Növbəti ting paylama aksiyası keçirilib

16 Mart 2023, 19:50

“Tullantıları tinglərə dəyiş” növbəti ting paylama aksiyası Ekologiya və Təbii Sərvətlər Nazirliyi və Bakı Nəqliyyat Agentliyinin birgə təşkilatçılığı ilə Koroğlu Nəqliyyat Mübadilə Mərkəzində keçirilib.

“Bir ağac-min nəfəs” devizi altında keçirilən aksiya zamanı vətəndaşlar tərəfindən işlənmiş batareya, şüşə tullantılar təhvil verilib və əvəzində onlara ağac tingləri paylanılıb.

Qeyd edək ki, ting paylama aksiyalarının keçiriləcəyi ərazilərlə bağlı elanlar Nazirliyin saytında (eco.gov.az) və sosial şəbəkə hesablarında öncədən paylaşılır.

Hər kəsi aksiyalarda fəal iştirak etməyə, ağac əkməklə təbiətə töhfə verməyə, tullantıların sayının azaldılmasına və təkrar emala dəstək olmağa çağırırıq.