21/08/2008. Füzuli rayonunun işğalından 15 il keçir. 23 avqust 1993-cü ildə ümumi sahəsi 139393 hektar olan rayonun qərb hissəsindən (50 kənd) 125368 hektar ərazi ermənilər tərəfindən işğal olunmuşdur. Füzuli rayonunda ümumi ehtiyatları 58858 min m³olan və mişar daşı istehsalına yararlı istismar olunan 2 (Dövlətyarlı, Dilağar) əhəngdaşı; kərpic-kirəmit istehsalına yararlı 11211 min m³ ehtiyatlara malik Kürdmahmudlu gil; ehtiyatları 13053 min m³ olan Quruçay qum-çınqıl qarışığı yataqları vardır.

20/08/2008. Ekologiya və Təbii Sərvətlər Nazirliyi Ətraf Mühit üzrə Milli Monitorinq Departamentinin verdiyi məlumata görə, avqust ayının 19-u gecə saatlarından başlayaraq 22-si səhər saatlarınadək Respublikanın sənaye şəhərlərinin atmosfer havasında zəif çirklənmə səviyyəsi, Bakı və Sumqayıt şəhərlərində orta çirklənmə səviyyəsi, meteoroloji şəraitlə (temperaturun yüksəlməsi, nisbi rütubətin artması, küləksiz) əlaqədar isə Bakı və Sumqayıt şəhərlərinin hava hövzəsində dəm qazı, azot-4 oksid, hidrogen flüorid və xlorun intensiv toplanması gözlənilir.

19/08/2008. Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə vəziyyətini öyrənmək məqsədilə avqust ayının I ongünlüyü üçün növbəti monitorinq həyata keçirmişdir.

18/08/2008. Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə avqustun 18-dən 22-dək ölkə ərazisində anomal isti hava şəraiti gözlənilir. Göstərilən müddət ərzində temperaturun yüksəlməsi, maksimal temperaturun Bakı və Abşeron yarımadasında 37-40, bəzi ərazilərdə 42, Aran rayonlarında və Naxçıvan MR-da isə 38-40 dərəcə təşkil edəcəyi proqnozlaşdırılır.