“Beynəlxalq bioloji müxtəliflik günü” münasibətilə 6 nömrəli məktəb-liseyində məktəblilərlə görüş keçirilib

22 May 2018-ci il tarixində “Beynəlxalq bioloji müxtəliflik günü” münasibətilə “Biomüxtəliflik və 25 illik fəaliyyət” devizi altında 6 nömrəli məktəb-liseyində məktəblilərlə görüş keçirilib.

Görüşü giriş sözü ilə açan Ekologiya və Təbii Sərvətlər Nazirliyinin əməkdaşı  Umayra Tağıyeva bu günün əhəmiyyəti, tarixi, respublika ərazisində xüsusi mühafizə olunan təbiət əraziləri barədə məktəblilərə məlumat verib. Milli parklar və orada qorunan biomüxtəliflik, o cümlədən  balıqlar haqqında uşaqlara göstərilən video çarxlar uşaqlar tərəfindən maraqla qarşılanıb.

Daha sonra məktəblilər tərəfindən bu günün mahiyyətinə uyğun çəkdikləri rəsmlər nümayiş etdirilib.

Qeyd edək ki, Dünya miqyasında planetin bioloji irsinin mühafizəsi məqsədilə 1992-ci ildə Keniyanın Nayrobi şəhərində əsası qoyulmuş Bioloji Müxtəliflik haqqında Beynəlxalq Konvensiyaya Azərbaycan Respublikası 2000-ci ildə qoşulub.