Oktyabr ayına olan hava proqnozu

Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə oktyabr ayında havanın orta aylıq temperaturunun kiçik müsbət fərqlə iqlim normasına yaxın olacağı gözlənilir. Aylıq yağıntının miqdarının iqlim normasına yaxın, bəzi ərazilərdə isə normadan bir qədər çox olacağı ehtimal olunur.
Bakıda və Abşeron yarımadasında
Orta aylıq temperaturun 16-18 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdır. Gecələr ayın birinci yarısında 14-19, ikinci yarısında 7-12 dərəcə isti təşkil edəcək. Gündüzlər ayın birinci yarısında 21-26 dərəcə isti olacaq, ayrı-ayrı günlərdə temperatur 28 dərəcəyədək yüksələcək, ikinci yarısında 15-20 dərəcə isti təşkil edəcək.
Aylıq yağıntının miqdarının iqlim normasına yaxın (norma 17-23 mm) olacağı gözlənilir.

Naxçıvan Muxtar Respublikasında
Orta aylıq temperaturun 13-16 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr 7-12, üçüncü ongünlüyün bəzi günlərində 0-5 dərəcə isti gözlənilir. Gündüzlər ayın birinci yarısında 21-26 dərəcə isti təşkil edəcək, bəzi günlərdə 28 dərəcəyədək yüksələcək, ayın ikinci yarisinda isə 16-21 dərəcə isti təşkil edəcək. Aylıq yağıntının miqdarının iqlim normasına yaxın (norma 19-32 mm) olacağı gözlənilir.

Yuxarı Qarabağ: Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər və Daşkəsən, Gədəbəy rayonlarında
Orta aylıq temperaturun 6-11 dərəcə isti olacağı gözlənilir ki, bu da iqlim normasına yaxındır. Gecələr 4-9 dərəcə isti, bəzi günlərdə 2 dərəcə şaxtadan 2 dərəcəyədək isti gözlənilir. Gündüzlər ayın birinci yarısında 15-20, bəzi günlərdə 21-23, ikinci yarısında isə 5-10 dərəcə isti təşkil edəcək. Yağıntının miqdarının iqlim normasına yaxın (norma 34-48 mm) olacağı gözlənilir.

Qazax-Gəncə, Goranboy, Tər-Tər-Ağdam-Ağcabədi-Füzuli-Cəbrayıl rayonlarında
Orta aylıq temperaturun 13-16 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr ayın birinci yarısında 9-14, ikinci yarısında 3-8 dərəcə isti gözlənilir. Gündüzlər ayın birinci yarısında 19-24 dərəcəyə isti olacaq, ayrı-ayrı günlərdə 26 dərəcəyədək yüksələcək. Ayın ikinci yarısında 11-16 dərəcə isti təşkil edəcək. Aylıq yağıntının miqdarının iqlim normasına yaxın (norma 30-61 mm) olacağı gözlənilir.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında
Orta aylıq temperaturun 11-14 dərəcə isti olacağı gözlənilir ki, bu da iqlim normasına yaxındır. Gecələr ayın birinci yarısında 8-13, ikinci yarısında bəzi günlərdə 1-6 dərəcə isti təşkil edəcək. Gündüzlər ayın birinci yarısında 15-20, bəzi günlərdə 23-26, ikinci yarısında isə 9-14 dərəcə isti olacağı, gözlənilir.
Aylıq yağıntının miqdarının iqlim normasına yaxın (norma 34-126 mm), bəzi yerlərdə isə bir qədər yüksək olacağı gözlənilir.

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan,
Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında
Orta aylıq temperaturun 14-18 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr ayın birinci yarısında 12-17, ikinci yarısında 6-11 dərəcə isti olacaq. Gündüzlər ayın birinci yarısında 21-26 dərəcə isti olacağı, bəzi günlərdə 28 dərəcəyədək yüksələcəyi, ikinci yarısında isə 15-20 dərəcə isti olacağı gözlənilir.
Aylıq yağıntının miqdarının iqlim normasına yaxın (norma 31-54 mm) olacağı gözlənilir.

Masallı-Lənkəran-Astara-Lerik, Yardımlı rayonlarında
Orta aylıq temperaturun 15-17 dərəcə uisti olacağı gözlənilir ki, bu d iqlim normasına yaxın və 1 dərəcə yüksəkdir. Gecələr ayın birinci yarısında 12-17. ikinciu yarısında 7-12 dərəcə isti olacaq, dağlarda 3 dərəcə şaxtadan, 2 dərəcəyədək isti təşkil edəcək. Gündüzlər ayın birinci yarısında 19-24 dərəcə isti olacaq, bəzi günlərdə 26 dərəcəyədək yüksələcək, ikinci yarısında isə 15-20 dərəcə isti təşkil edəcək.
Aylıq yağıntının miqdarının iqlim normasına yaxın (norma 96-274 mm), olacağı gözlənilir.