Respublikanın çaylarında və transsərhəd çaylarda mövcud vəziyyət

Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, hazırda Böyük Qafqaz çaylarında sululuq ongünlük normanın 60-130, Lənkəran-Astara bölgəsi çaylarında 100-235, Kiçik Qafqaz çaylarında 70-90, Naxçıvan MR çaylarında isə 100 faizini təşkil edir.
Tranzit çaylarda hazırki vəziyyət
Kür çayının Qıraqkəsəmən məntəqəsində su sərfi 450 m³/san, yəni ongünlük normanın 111 faizini ( 2010-cu ildə 512 m³/san olmaqla ongünlük normanın 126 faizini), Qanıx çayının Əyriçay məntəqəsində isə su sərfi 195 m³/san, yəni ongünlük normanın 117 faizini ( 2010-cu ildə 131 m³/san olmaqla ongünlük normanın 79 faizini) təşkil edir.
Kür çayının aşağı axınında hazırki vəziyyət
İyun ayının 15-dən 21-dək Kür çayının aşağı axınında suyun səviyyəsində azalma müşahidə olunmuşdur. Belə ki, Surra məntəqəsində suyun səviyyəsi 113, Şirvanda 88, Salyanda 48, Bankədə 32, Araz çayının Novruzlu məntəqəsində 99 sm azalmışdır.
Hazırda Surra məntəqəsində suyun səviyyəsi 606 sm (2010-cu il iyunun 21-də səviyyə 820 sm, 2010-cu il mayın 21-də maksimal səviyyə 955 sm), Şirvanda 536 sm (2010-cu il iyunun 21-də səviyyə 741 sm, 2010-cu il mayın 18-də maksimal səviyyə 853 sm), Salyanda 548 sm (2010-cu il iyunun 21-də səviyyə 733 sm, 2010-cu il mayın 18-də maksimal səviyyə 855 sm), Bankədə 337 sm (2010-cu il iyunun 21-də səviyyə 426 sm, 2010-cu il mayın 18-də maksimal səviyyə 503 sm), Araz çayının Novruzlu məntəqəsində isə 341 sm (2010-cu il iyunun 21-də səviyyə 563 sm, 2010-cu il mayın 21-də maksimal səviyyə 734 sm) təşkil edir.