Qaradağ rayonu Xəzər sahili ərazidə reyd keçirilmişdir

Ekologiya və Təbii Sərvətlər Nazirliyi və Daxili İşlər Nazirliyinin əməkdaşları tərəfindən Qaradağ rayonu Xəzər sahili ərazidə bərk məişət tullantılarının qanunamüvafiq qaydada idarə olunması vəziyyətini yoxlamaq məqsədilə reyd keçirilmişdir.
Qaradağ rayonu ərazisində fəaliyyət göstərən “GE Petrol” firmasında formalaşan bərk məişət tullantılarının müvafiq qaydada idarə olunmamasına görə firma hüquqi şəxs qismində inzibati qaydada 2000 manat məbləğində cərimə olunmuşdur.
Qaradağ rayonu Xəzər sahili ərazidə bərk məişət tullantılarının müvafiq qaydada idarə olunmamasına görə “Meduza” iaşə obyektinin iş icraçısı A.Süleymanov, “Laçın” İKF-nin iş icraçısı L.Qazaxov, “Ruzi” iaşə obyektinin iş icraçısı X.Məmmədov və “4/4” iaşə obyektinin iş icraçısı S.Əliyev hər biri fiziki şəxs qismində inzibati qaydada 500 manat məbləğində cərimə edilmişlər.
Qaradağ rayonu Xəzər sahili ərazidə fəaliyyət göstərən iaşə obyektində formalaşan bərk məişət tullantılarının müvafiq qaydada idarə olunmamasına görə iş icraçıları X.Yunusov və N.Quliyev hər biri fiziki şəxs qismində inzibati qaydada 500 manat məbləğində cərimə olunmuşlar.